مجربة: طريقة وخطوات عمل التونة في المنزل “صحية و لذيذة و رخيصة” بدون اضافات ضارة
علبة التونة بقت ب 20ج أقل و أردأ نوع
ليه منعملهاش ف البيت؟
بسهولة جدا من غير اختراعات أو اي اضافات تضر صحتك وسلامة عائلتك..
هنجيب سمك التونة م السوق
( التونة كمان في سوق العبور متوفرة )
انا بجيبه من السوق في أكتوبر هنا فهتلاقيه متوفر اكيد لو سألت مش لازم تبقي في محافظة ساحلية
و طبعا هيتنضف و ينقطع جزل زي الصورة كده
و هنروح البيت نعمل الآتي:
هنجيب حلة السلق الكبيرة
و نحط فيها
حبهان
ورق لورا
نص لمونة
معلقتين خل
بصلاية صغيرة
رشة كمون
رشة ملح
فلفل اسود حصي
و نخلي المايه تغلي
ونسقط فيها السمك تغلي غلوتين دقايق
و نوطي عليها خالص يمين البوتجاز
لمدة 3ساعات
و نجيب علبة بلاستيك
و نطلع السمك بعد ما استوى
و نصب عليه ماية السلق لغاية أما نغطيها
و عليها طبقة زيت محترمة و تتحط ف التلاجة ع الرف هتقعد حوالي 2-3 اسبوع
و عن تجربة كل صحابي اللي داقوها قالولي اطعم من اي تونة بتتباع
و طبعا أأمن و أنضف و أرخص م الأنواع الرديئة المضرة للصحة ال بيبيعوهالنا
هتلاقي سمكة التونة مزرقة كده و عاملة زي دانة المدفع و بطنها بيضة و جلدها تخين شوية
لو عملتي الطريقة دي بالماكريل هتطلع شبه السلمون المعلب اللي بيتباع
اللي اتربينا عليه زمان
و بالهنا و الشفا
<
p style=”text-align: left;”>د. إسلام أبو العلا
شاهد أحدث المسلسلات والأفلام- من هنا
